ទិវាជាតិប្រយុទ្ធនឹងជំងឺគ្រុនចាញ់ក្រោមប្រធានបទ

                     “រួមគ្នាអនុវត្តគន្លងសកម្មភាពថ្មីៗឈានទៅកាត់បន្ថយបន្ទុកជំងឺគ្រុនចាញ់សកលដើម្បីលើកកម្ពស់សុខុមាលភាព”

                                                  ត្រូវបានប្រារព្ធឡើងនៅ ភូមិបេង ឃុំចំបក់ ស្រុកភ្នំស្រួច ខេត្តកំពង់ស្ពឺ

​​​​​​                                       =======================

ព្រឹកថ្ងៃអាទិត្យ​ ០៨រោច ខែចេត្រ ឆ្នាំខាល ចត្វាស័ក ពុទ្ធសករាជ ២៥៦៥ ត្រូវនឹង​ ថ្ងៃទី២៤ ខែមេសា

ឆ្នាំ២០២២ មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្រ្តនិងបាណកសាស្រ្តបានប្រារព្ធទិវាជាតិប្រយុទ្ធនឹងជំងឺគ្រុនចាញ់ក្រោមប្រធានបទ

 “រួមគ្នាអនុវត្តគន្លងសកម្មភាពថ្មីៗឈានទៅកាត់បន្ថយបន្ទុកជំងឺគ្រុនចាញ់សកលដើម្បីលើកកម្ពស់សុខុមាលភាព” អង្គពិធីក៏មានការចូលរួមជាអធិបតីភាពពីសំណាក់ 

ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល,​ ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ, ឯកឧត្តម លោកជំទាវ

រដ្ឋលេខាធិការ អគ្គនាយក អគ្គនាយករង អគ្គាធិការ អគ្គាធិការរង អគ្គនាយក អគ្គនាយករង ព្រមទាំងឯកឧត្តម លោកជំទាវ ប្រតិភូអមដំណើរ អស់លោក

លោកស្រី ភ្ញៀវកិត្តិយសជាតិ-អន្តរជាតិ មន្រ្តីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស ​ប្រជាពលរដ្ឋ

ព្រមទាំងអង្គការដៃគូសុខាភិបាលពាក់ព័ន្ធ ដូចជា UNOPS CRS, CHAI, PSM/USAID, PMI/USAID សរុបប្រមាណ៥០០នាក់។

កម្មវិធីនេះក៏មានការទទួលចាក់វ៉ាក់សាំង កូវីដជូនដល់ ថ្នាក់ដឹកនាំ និងអស់លោក លោកស្រី ភ្ញៀវកិត្តិយសជាតិ-អន្តរជាតិ មន្រ្តីរាជការ

កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស ​ប្រជាពលរដ្ឋផងដែរ។

        ក្នុងពិធីនេះ លោករដ្ឋមន្ដ្រីក្រសួងសុខាភិបាលបានអានសារលិខិតរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា

ក្នុងឱកាសប្រារព្ធទិវាជាតិប្រយុទ្ធនឹងជំងឺគ្រុនចាញ់ ក្រោមប្រធានបទ “រួមគ្នាអនុវត្តគន្លងសកម្មភាពថ្មីៗឈានទៅកាត់បន្ថយបន្ទុកជំងឺគ្រុនចាញ់សកល

ដើម្បីលើកកម្ពស់សុខុមាលភាព”។

     ឆ្លៀតក្នុងឱកាសនេះដែរ ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ ក៏បានបញ្ជាក់ហើយថា

តាមរបាយការណ៍របស់លោកប្រធានមន្ទីរសុខាភិបាលខេត្ត បានបញ្ជាក់ហើយថាស្ថានភាពគ្រុនចាញ់នៅទូទាំងខេត្តកំពង់ស្ពឺ  នាប៉ុន្មានឆ្នាំចុងក្រោយនេះ

បានថយចុះគួរឱ្យកត់សម្គាល់ក្នុងរង្វង់ ៥​៥% រៀងរាល់ឆ្នាំ ចាប់តាំងពីឆ្នាំ២០១៩មក ក្នុងនោះ (ឆ្នាំ២០១៩ មាន ៥៥៣៤ករណី ឆ្នាំ២០​២​០ មាន ២៤៦៩ករណី

និងឆ្នាំ២០២១ មាន ១២២១ករណី) ដោយឡែកករណីគ្រុនចាញ់សន្ធំ និងចំរុះបានថយចុះក្នុងរង្វង់ ៧០% រៀងរាល់ឆ្នាំផងដែរ ក្នុងនោះ(ឆ្នាំ២០១៩ មាន

១៥០៧ករណី ឆ្នាំ២០​២​០ មាន ៤៧៤ករណី និងឆ្នាំ២០២១ មាន ១២៤ករណី)។

     ហើយក្នុងត្រីមាសទី១ ឆ្នាំ២០២២នេះ និន្នាការគ្រុនចាញ់មានការថយចុះផងដែរគឺមានចំនួន ១៩៩ករណីក្នុងនោះ (ប្រភេទគ្រុនចាញ់សន្ធំ និងចំរុះមានចំនួន

២៧ករណី និងប្រភេទលាប់ចំនួន ១៧២ករណី) បើប្រៀបធៀបត្រីមាសទី១ រយៈពេលបីឆ្នាំដូចគ្នា (ពី២០២០ ដល់ឆ្នាំ២០២២)

ហើយករណីវិជ្ជមានគ្រប់ទម្រង់ថយចុះក្នុងរង្វង់ ៤៥% ពីឆ្នាំ២០២០ ដល់ឆ្នាំ២០២១ និងថយចុះ៤៦% ពីឆ្នាំ២០២១ ដល់ត្រីមាសទី១ ឆ្នាំ២០២២នេះ។